‘दान्भी’ टिजरमा पूजा शर्माको ‘एक्सन दामी’ !
नायिका पूजा शर्माको शिर्ष भूमिका रहेको फिल्म ‘दान्भी’को टिजर रिलिज गरिएको छ । टिजरमा नायिका शर्मालाई एक्सन अवतारमा देख्न सकिन्छ । टिजर :
बिहिबार प्रेसमिट गर्दै दान्भीको टिजर रिलिज गरिएको हो । प्रेसमिटमा पूजा सहित नव-नायक कुन्साङ बोम्जन लगायत दान्भी युटिनको उपस्थिति थियो । टिजरमा पूजाको एक्सनसँगै कुन्साङसँगको प्रेमलाई पनि हल्का देखाइएको छ । फिल्मको प्रदर्शन मिती भने तय गरिएको छैन् ।
एक्सन फिल्म दान्भी लाई रुपेश तामाङले निर्देशन गरेका हुन् । देव मगर र अनुप गदाल निर्मित फिल्ममा पवन राना मगर कार्यकारी निर्माताको रुपमा छन् । रविना थापा मगरको कथा रहेको फिल्मको पटकथा तथा संवाद सञ्जोग कुवंर रानाले लेखेका छन् ।
फिल्ममा छायाँकन हरि बहादुर घलेको छ भने सम्पादन बन्दे प्रसादले गरेका छन् । द्धन्द्ध निर्देशक श्री श्रेष्ठ हुन् । कोरियोग्राफी कविराज गहतराज र बाहुल बराइलीको छ ।
