नीता हरिहरको ‘ह्रस्व दीर्घ’मा संचितादेखि प्रशान्तसम्म
अभिनेत्री नीता ढुंगानाको फिल्म ‘ह्रस्व दीर्घ’ मा पुनः कालाकारहरु जोडिएका छन् । छायाँकनरत फिल्ममा संसिनेमामा प्रशान्त ताम्राकार, संचिता लुईटेलदेखि प्रशान्त ताम्रकारसम्म जोडिएका हुन् ।
नीताको महत्वाकाक्षीं प्रोजेक्ट ‘ह्रस्व दीर्घ’ मा संचिता र प्रशान्तसँगै कलाकारहरु किरण के.सी र बुद्धि तामाङ पनि अनुबन्धित भएका छन् । हाल फिल्मको चितवनमा छायाँकन भइरहेको छ । हालसम्म ५५ % छायाँकन सकिएको जानकारी निर्माण पक्षले दिएको छ । फिल्ममा नीता र हरिहर अधिकारीको मुख्य भूमिका रहेको छ । साथमा भारतीय कलाकारहरु ब्रह्मानन्दम, प्रदीप रामसिंह रावत, अली, सुनिल कुमार लगायतको समेत अभिनय रहनेछ ।
फिल्मको काम गर्न यसमा अनुबन्धित भएका भारतीय कलाकार केही दिनमा नेपाल आउँदैछन् । फिल्मलाई नेपाल तथा भारतका मुख्य भाषाहरुमा रिलिज गरिने बताइएको छ । भारतमा भने सिनेमा ओटिटी प्लेटफर्ममा मात्र रिलिज हुनेछ ।
फिल्मका निर्देशक चन्द्र पन्त हुन् । चार सेड्यूलमा छायाँकन हुने फिल्मको भारतका विभिन्न शहरहरुमा हुने छायाँकन सकिएको छ भने हाल नेपालमा छायाँकन भइरहेको छ ।
