दया र रिस्मापछि ‘रिमै’मा सौगात अनुबन्धित
अभिनेता सौगात मल्ल ’रिमै’मा अनुबन्धित भएका छन् । योसँगै फिल्मको मुख्य लाइनअप पुरा भएको छ । फिल्म यसअघि ब्लकबस्टर ’कबड्डी’ सिरिजका प्रथम दुई भागकी मुख्य अभिनेत्री रिस्मा गुरुङ्ग र अभिनेता दयाहाङ्ग राई अनुबन्धित भइसकेका छन् ।
उनीहरु तीनै जनाले ’कबड्डी’को दोश्रो श्रृंखलामा एकसाथ काम थिए । खिल बहादुर गुरुङ्गको निर्देशनमा तयार हुने फिल्मलाई सिनेमा गोरख सिरानचोक एण्ड लिगलिग कोट फिल्मस् प्रालिको व्यानरले निर्माण गर्न लागेको हो । फिल्ममा दया, रिस्मा, सौगातसँगै डेब्यू अभिनेता विरबल घले प्रमूख भूमिका रहनेछ । उपेन्द्र सुब्बा सिनेमाका पटकथा लेखक हुन भने कथा निर्देशक गुरुङ्ग र अभिनेता घलेले लेखेका हुन् ।
फिल्मको कार्यकारी निर्मातामा टिका गुरुङ्ग (युके), प्रकाश गुरुङ्ग (युके), जित यात्री गुरुङ्ग (नर्वे) तथा सचि कुमारी घले रहेकछन् भने दुन बहादुर घले, हेमा गुरुङ्ग तथा विजय लामा सिनेमामा सह-निर्माताका रुपमा रहनेछन् । फिल्मको हाल प्रिप्रोडक्सन चलिरहेको छ । ’रिमै’ फागुनबाट फ्लोरमा जाने। ’कबड्डी’ फिल्ममा दया र रिस्माको नोकझोकलाई दर्शकहरुले खुबै मनपराएका थिए ।
यो फिल्मले त्यो ’केमिस्ट्री’लाई पुनः ताजा गराउने अनुमान गर्न सकिन्छ । फिल्ममा सौगातको अनुबन्धनले रोमाञ्चक कथाको अपेक्षालाई रोचक बनाउने अपेक्षा बढाएको छ ।
