‘दिमाग खराब’पछि स्वस्तिमा बनिन् निश्चलको बेहुली !
फिल्म ‘दिमाग खराब’को सफलता पश्चात् निश्चल बस्नेत र स्वस्तिमा खड्काले नयाँ फिल्म खेल्ने भएका छन् । उक्त फिल्मका लेखक आकाश बरालको डेव्यु निर्देशकिय फिल्म ‘बेहुली फ्रेम मेघौली’ मा निश्चल र स्वस्तिमाको जोडी पक्का भएका हुन् ।
यो फिल्मको हाल लोकेशन हेर्ने कार्य भैरहेको छ । फिल्मको छायांकन चैत्र महिनाबाट सुरु हुने छ । फिल्मको कथा बरालले नै लेखेका हुन् । उनले साजन काफ्लेसँग लेखनमा सहकार्य गरेका छन् । रोमान्टिक कथामा तयार हुने फिल्मका लागि मुख्य कलाकारमा निश्चल बस्नेत र नायिका स्वस्तिमा खड्का फाइनल भइसकेका छन् ।
निश्चल र स्वस्तिमा ‘घामड शेरे’मा सँगै देखिएका थिए । ‘दिमाग खराब’मा भने उनीहरु जोडीको रुपमा छैनन् । मेघौली चितवनको चर्चित पर्यटकिय स्थल मानिन्छ । ‘बेहुली फ्रम मेघौली’मा उनीहरुको जोडी कस्तो होला त ?
