‘गाउँ नै रमाइलो’मा मिरुना मगर अनुबन्धित
फिल्म ‘गाउँ नै रमाइलो’मा नायिका मिरुना मगर अनुबन्धित भएकी छन् । निर्माता हिमाल कडरियाले नायिका मिरुना मगरसँग कागजी संझौता भएको जानकारी दिएका हुन् ।
यसअघि फिल्म ‘गाउँ नै रमाइलो’ मा नायकद्धय आर्यन सिग्देल र दयाहाङ राई पक्का भैसकेका छन् । फिल्ममा मिरुना कसको जोडीको रुपमा देखिने हुन् भन्ने गोप्य नै राखिएको छ ।
यस्तै, फिल्ममा कलाकार बुद्धि तामाङको पनि प्रवेश भएको छ । फिल्ममा अब अन्य केही लिड कलाकार फाइनल गर्न बाँकी रहेको निर्माता कडरियाले जानकारी दिएका छन् । फिल्मलाई आउँदो बर्षको दशैंमा रिलिज गर्ने घोषणा निर्माण पक्षले गरेको छ ।
यो फिल्मलाई दिनेश राउतले निर्देशन गर्दैछन् । दिनेशले फिल्म ‘पुजार सार्की’पछि यो फिल्मको निर्देशन थाल्नेछन् ।
क्लक वार्क क्रियशनको ब्यानरमा निर्माण हुन लागेको यो फिल्मले गाउँको रोचक कथालाई प्रस्तुत गर्नेछ ।
