प्रदीप खड्काको ‘एक्टर’मा आना शर्मा अनुबिन्धत
फिल्म एक्टरमा नायिका आना शर्मा अनुबन्धित भएकी छन् । फिल्ममा नायक प्रदीप खड्काको मुख्य भूमिका रहनेछ । एक्टरका लागि प्रदीपपछि आना यसै साता पक्का भएकी हुन् ।
आनाले ‘एक्टर’साइन गरेसँगै प्रदीप र आना को जोडी पहिलो पटक दर्शक माझ आउने पक्का भएको हो । यी दुइको जोडीलाई लिएर दर्शकमाझ उत्साह पैदा हुन सक्दछ । फिल्म ‘एक्टर’लाई लिएर आफू निकै नै उत्साहित रहेको नायिका शर्माले बताइन् । एउटा राम्रो टिमसँग काम गर्नका लागि आफू सधैं नै लालायित हुने गरेको उनको भनाई छ ।
राजन भुसालको निर्देशनमा तयार हुन लागेको यो फिल्ममा थमन कुमार भण्डारीको लगानी छ । अदृत फिल्मसको प्रस्तुतिमा निर्माण हुन लागेको यो फिल्मको सह-निर्मातामा एनिस भुसाल छन् ।
यो फिल्मको छायांकन केही महिनामा नै सुरु हुनेछ । यो फिल्ममा नरेन्द्र मैनालीको छायांकन रहनेछ । फिल्मलाई सन् २०२५ मा रिलिज गर्ने तयारीमा निर्माण पक्ष छ ।