युरोपको प्रतिष्ठित महोत्सवमा पुग्यो ‘गाउँ आएको बाटो’
नविन सुब्बा निर्देशित ’गाउँ आएको बाटो’ युरोपको महत्वपूर्ण चलचित्र महोत्सव ’४७ औं गोटेबर्ग अन्तर्राष्ट्रिय चलचित्र महोत्सव, २०२४’ स्वीडेनमा छनौट भएको छ । यही महोत्सवमा फिल्मको युरोपियन प्रिमियर हुने जानकारी निर्माण पक्षले जानकारी दिएको छ ।
गोटेबर्ग अन्तर्राष्ट्रिय चलचित्र महोत्सव स्केन्डेभियन क्षेत्रको सबै भन्दा ठूलो महोत्सव मात्र नभएर युरोपको पनि महत्वपूणर् चलचित्र महोत्सव हो । गोटेबर्ग अन्तर्राष्ट्रिय चलचित्र महोत्सव २०२४ जनवरी २६ देखि फेब्रुअरी ४ सम्म चल्नेछ । यो फिल्मको टोरोन्टो चलचित्र महोत्सवमा विश्व प्रिमियर भएको थियो भने वुसान अन्तर्राष्ट्रिय चलचित्र महोत्सव, एशियन प्रिमियर, मामी मुम्बईमा साउथ एशियन प्रिमियर भइसकेको छ ।
निर्माण पक्षले सिनेमा विश्वको एकपछि अर्को प्रतिष्ठित फिल्म महोत्सवमा छनौंट हुनुलाई नेपाली फिल्मलाई विश्वले स्वीर्कान थालेको र नेपाली फिल्मको क्षमता विस्तारका रुपमा बुझ्न सकिने प्रतिक्रिया दिएको छ ।
राई जातिको सामाजिक पृष्ठभूमिमा बनेको यस फिल्ममा गाँउमा सडक आएपछि बाबु छोराको सम्बन्धमा आउने उतारचढावलाई नियाल्ने प्रयास गरिएको छ । सामुदायिक लगानीको अवधारणामा यो फिल्म निर्माण भएको हो ।
फिल्म ’गाउँ आएको बाटो’ मा दयाहाङ राई, पशुपति राई, प्रसन राई, केशव राई, सुमित्रा राई, राज थापा र प्रेम सुब्बा लगायतका कलाकारले अभिनय रहेको छ ।
देशभित्र र विश्वका विभिन्न देशहरूमा छरिएर रहेका नेपालीहरूको सामुहिक लगानी छ । यो चलचित्र छोमोलोङमा प्रोडक्सन र गाँउघर फिल्म प्रडक्सनको सहयोगमा मेन्छ्याम पिक्चर्सको ब्यानरमा निर्माण भएको हो । नेपालमा यो सिनेमा बाँसुरी फिल्मस्को संयोजनमा नेपालमा आउँदो सालको जेठ १८ बाट प्रर्दशनमा आउने छ ।
