मुस्कानको ‘नमेटिएको घाउ’ निर्देशन गर्दै रमित
अभिनेता रमित ढुङ्गाना फिल्म निर्देशन यात्रा सुरु गर्ने भएका छन् । एसिड आक्रमणमा परेकी मुस्कान खातुनको जीवन कथामा बन्ने ‘नमेटिएको घाउ’ लाई रमितले निर्देशन गर्ने भएका हुन् ।
अभिनेता ढुङ्गाना स्वयंको निर्माण रहने फिल्ममा मुस्कानकै मुख्य भूमिका रहनेछ । एसिड आक्रमणपछिको दृश्यमा उनको अभिनय रहने जनाइएको छ । एसिड आक्रमण हुनु अगाडीको भूमिा भने कलाकार रचना गौतमले निभाउने छिन् । उनले पनि यही फिल्मबाट डेब्यु गर्न लागेकी हुन् । उनले आधा दर्जन बढी म्युजिक भिडियोमा काम गरिसकेकी छन् ।
फिल्मको बुधवारबाट वर्कसप सुरु भएको छ । फिल्मको छायाङ्कन आगामी माघ १५ गतेबाट सुरु हुनेछ । मुस्कान खातुनमाथि २०७६ सालको भदौ २० गते वीरगन्जको रेशम कोठीस्थित त्रिभुवन हनुमान उच्च माविमा पढ्न जाँदै गर्दा एसिड प्रहार भएको थियो ।
एसिड आक्रमणबाट उनको अनुहारको एकातर्फको भाग जलेको छ । फिल्मको नाम समेत मुस्कान तय गरिएको थियो । अहिले नाम फेरेर नमेटिएको घाउ बनाइएको हो । रमितले यस अगाडी बुद्ध वर्न इन नेपाल नाम फिल्म निर्माण गरेका थिए