आँचल शर्माको मुख्य भूमिकामा ‘एक मुठ्ठी बादल’ बन्ने
अभिनेत्री आँचल शर्माको मुख्य भूमिकामा फिल्म एक मुठ्ठी बादल बन्ने भएको छ । सहारा शर्माले निर्देशन गर्ने फिल्ममा नायिका शर्मासँगै कलाकार सहयोग अधिकारीको पनि मुख्य भुमिका रहनेछ ।
बिहीबार फिल्मको निर्माण घोषणा एक पोस्टर सार्वजनिक गर्दै गरिएको हो । फेमिली ड्रामा जनरामा बन्ने फिल्मले केही अप्रत्यासित, दुर्भाग्यपूणर् घटनापछि एउटी आमा र छोरीले वर्षैैंदेखिको रहस्य र कुन्ठा सामना गर्न बाध्य हुने कथावस्तु पेश गर्नेछ ।
फिल्ममा अभिमन्यु दीक्षित, अनुप पौडेल र सामिप्यराज तिमल्सेनाको प्रस्तुतीमा निर्माण हुनेछ । फिल्मको लेखन निर्देशक शर्मा स्वयंमको रहनेछ । निर्माता तिमल्सेनाले फागुनदेखि पोखरामा सिनेमाको छायांकन गरिने बताएका छन् । नारी प्रधान कथा वस्तुमा फिल्म बन्न लागेको उनको भनाइ छ ।
फिल्म निर्माणमा गौंथली इन्टरटेनमेन्ट र अन्डरग्राउण्ड टकिजलेसहकार्य गर्नेछन् । फिल्म फेस्टिभल र हललाई लक्ष्य राखेर फिल्म निर्माण गर्न लागिएको हो ।