विशेष शोमा ‘पर्खि बसे तिमीलाई’को प्रशंसा !
यो शुक्रबारबाट प्रदर्शनमा आएको फिल्म पर्खि बसे तिमीलाईको विशेष शोको आयोजना गरिएको छ । शोमा सहभागी फिल्मकर्मीले फिल्मको कथा र नव कलाकारको प्रस्तुतीको प्रशंसा गरेका छन् ।
दिपक श्रेष्ठ निर्देशित फिल्म पर्खि बसे तिमीलाई बाट किरण श्रेष्ठ र रक्षा बुढाथोकीले फिचर फिल्ममा नायक नायिकाको रुपमा डेव्यु गरेका छन् । पहिलो फिल्ममै उनीहरुले गरेको मिहेनतले मेकर्सको नजरमा पर्ने विशेष सहभागी फिल्मकर्मीले बताए ।
यस्तै लामो समयपछि पारिवारिक र प्रेम कथा फिल्ममा हेर्न पाएको निर्देशक आकाश अधिकारीले बताए । फिल्मका कलाकार समेत रहेका अभिनेता शिव श्रेष्ठ र निर्देशक दिपक श्रेष्ठले फिल्म हेरेर आफु भावुक भएको बताए ।
राजाराम बुढाथोकीले निर्माण गरेको फिल्म पर्खि बसे तिमीलाई मा शिव श्रेष्ठ, किरण श्रेष्ठ र रक्षा बुढाथोकीको मुख्य भूमिका छ ।