धिरज र उपासना ‘खुस्मा’ मा प्रेम जोडी बन्दै
फिल्म ’खुस्मा’ निर्माणको घोषणा भएको छ । माघे संक्रान्तिको अवसर पारेर फिल्मको घोषणा गरिएको हो । फिल्ममा धिरज मगर र उपासना सिंह ठकुरी प्रमुख भूमिकामा हुनेछन् ।
धिरज र उपासनाले पहिलो पटक खुस्मा मा सहकार्य गरेका हुन् । फिल्मलाई अशोक थापा मगरले निर्देशन गर्नेछन् । थापा विभिन्न ९ वटा अन्तरर्राष्ट्रिय फिल्म फेस्टिवलमा पुरस्कृत भइसकेका निर्देशक हुन् । फिल्ममा धिरज र उपसनाका सँगै अस्तित्व भट्टचन, खड्क बहादुर पुन (खबपु) तथा अरुण मगरको अभिनय रहनेछ । प्रेम कथामा आधारित ’खुस्मा’ एम मिडिया प्रा.लि.को ब्यानरमा निर्माण हुनेछ । फिल्मलाई गोबिन्द शाहीको काफिया फिल्मस्ले वितरण गर्नेछ ।
दुई तालिकामा खिचिने फिल्मका निर्माता बेताने मगर, चन्द्र भट्टचन र सुस्मिता बुढाथोकी हुन् । ’खुस्मा’मा एस.डी योगीले सुरेन्द्र राना तथा राम अविरल विष्टको गीतमा संगीत दिनेछन् भने दिपक बज्राचार्य छायाँकार रहनेछन् ।
