नीति शाह खेल्ने ‘खजुरे ब्रो’ को छायाँकन सुरु

फिल्म ‘खजुरे ब्रो’ निर्माणको अफिसियल घोषणा गरिएको छ । कमेडी जनरामा बन्ने फिल्ममा सुरज सुनुवारको लेखन तथा निर्देशन रहनेछ ।

कमेडी जनराको फिल्म ’खजुरे ब्रो’ धरानमा चर्चित व्यक्ति ’खजुरे ब्रो’ को नाम र उही क्यारेक्टरमा निर्माण गर्न लागिएको फिक्सन फिल्म रहेको निर्देशक सुनुवारले बताए । फिल्ममा रेयर राई, महेश त्रिपाठी, नीति शाह, नविन मानन्धर, प्रकाश भुजेल, बिनिता थापा मगर, सुष्मा निरौला, पुस्कर कार्की, मनिष राउत, प्रेम सुब्बा र सुजाता राईको मुख्य भूमिका रहनेछ । आफ्नो डेब्यु फिल्म ‘खजुरे ब्रो’ को कथा र सम्पूणर् टिम मन परेको कारण आफुले काम गरेको र राम्रो फिल्म बन्नेमा ढुक्क रहेको नायिका नीति शाहले बताईन् ।

फिल्मको छायाँकन एकदमै राम्रो भईरहेको पनि नीतिले बताईन् । सोमबार आयोजित प्रेसमिटमा बोल्दै रेयर राईले ’खजुरे ब्रो’ शिर्ष रोलमा काम गर्न पाउँदा धेरै नै हर्षित भएको र च्यालेन्ज पनि थपिएको बताए । कमेडी जनरामा पहिलो पटक काम गर्न लागेकोमा उत्साहित रहेको अभिनेता महेश त्रिपाठीले बताए ।

नवीन मानन्धर र सुरज सुनुवारले निर्माण गर्न लागेको फिल्मका कार्यकारी निर्माता डायमन्ड उप्रेती हुन् । शिशिर बिसंखेले छायाङ्कन गर्ने फिल्मको छायाँकन सुरु भैसकेको छ । केहि दिनको काठमाडौँको छायाँकन सकेर टिम धरानतिर लाग्नेछ ।