‘अगस्त्यः च्याप्टर १’मा नाजिर हुसेनको ५ अवतार
फिल्म ‘अगस्त्यः च्याप्टर १’ बाट नायक नाजिर हुसेनको फस्ट लुक्स सार्वजनिक गरिएको छ । सार्वजनिक पोष्टरमा अभिनेता हुसेने पाँच फरक अवतारमा प्रस्तुत छन् ।
फिल्म लेखक तथा निर्देशक सौरभ चौधरीले ‘अगस्त्यः च्याप्टर १’ मा आफुलाई पाँच गेटअपमा प्रस्तुत गरेको बताएका छन् । अभिनेता सौगात मल्ल पश्चात् फिल्मबाट नाजिरको लुक्स सार्वजनिक गरिएको छ । सौगात जस्तै नाजिरले पनि फिल्मका लागि निकै मिहिनेत गरेको अनुमान गर्न सकिन्छ । नाजिरले यो फिल्मका लागि २० केजी तौल बढाएका थिए । नाजिरको यही जर्नीलाई पोष्टरमा समेत प्रस्तुत गरिएको बताएको छ । फिल्ममा नाजिर ‘निसान’ पात्रमा प्रस्तुत भएका छन् ।
डार्क हर्स इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार भएको फिल्ममा प्रकाश मल्ल, अनिष तामाङ र बिनोद पौडेलको लगानी छ । फिल्मका कार्यकारी निर्माता विश्व गौचन र अभिषेक चौधरी हुन् ।
यो फिल्ममा सौगात मल्ल, नाजिर हुसेन, मलिका महत, प्रमोद अग्रहरी, विजय बराल, रवीन्द्र झा लगायत अन्य कलाकारहरुको अभिनय छ । फिल्म फागुन १८ गतेदेखि प्रदर्शनमा आउँदैछ ।