वाह ! ‘उपहार’को पहिलो गीतलाई पचास लाख भ्युज
फिल्म ‘उपहार’को पहिलो गीत ‘वाह वाह’ लाई पचास लाख बढीले हेरेका छन् । युटुवमा अपलोड भएको करिब साढे तीन महिनामा यो गीतलाई पाँच मिलियन बढीले हेरेका हुन् । गीत हेर्नुस् :
बबुल गिरीको संगीत रहेको गीतमा शंकर अधिकारी घायलको शब्द छ । गीतमा गायिका एलिना चौहानले संगीतकार गिरीलाई स्वरमा साथ दिएकी छन् । ‘धोकेवाज’ गायिकको रुपमा परिचित एलिनाले उपहार बाट पाश्र्व गायनमा डेव्यु गरेकी हुन् । फिल्मको यो गीतमा कलाकारहरु रेखा थापा, पूजा शर्मा, बेनिशा हमाल, मुकुन भूषाल, तेज गिरी र समर्पणजंग कार्की फिचर्ड छन् । झण्डै सत्तरी हजार लाइक आएको भिडियोमा बाइस सय बढीले प्रतिक्रिया दिएका छन्, जसमा गीत र भिडियोको प्रशंसा भएको छ ।
ज्ञानेन्द्र देऊजाको निर्देशक रहेको फिल्म ‘उपहार’मा फागुन २५ गतेदेखि प्रदर्शनमा आउँदैछ । फिल्मको अर्को गीतलाई मुटुको चार आना सार्वजनिक भएको छ जुन गीतको भिडियोलाई दश लाख बढीले हेरेका छन् । फिल्मको चार पोस्टर माघे संघ्रान्तीमा सार्वजनिक गरिएको छ । फिल्मलाई रेखा र निर्देशक देऊजा मिलेर निर्माण गरेका हुन् ।