दयाहाङ राई ‘डिग्री माइला’को टिजरलाई प्रशंसा
रामबाबु गुरुङ निर्देशित ’डिग्री माइला’को टिजरलाई रुचाइएको छ । यसै साता सार्वजनिक गरिएको टिजरलाई करिब पाँच लाखले युटुवमा हेरेका छन् भने एक हजार बढीले सकारात्मक प्रतिक्रिया दिएका छन् । टिजर :
सार्वजनिक टिजरमा फिल्मका शीर्ष पात्र ’डिग्री माइला’ बनेका दयाहाङ राईलाई क्याम्पस व्यवस्थापन समितिले अंग्रेजी शिक्षकका लागि अंग्रेजीको दख्खलता परीक्षण लिइएको देखाइएको छ । टिजरमा दयालाई नायिका आँचल शर्मासँग गीतमा रोमान्टिक रुपमा देख्न सकिन्छ ।
बाँसुरी फिल्मस्को ब्यानरमा निर्माण भएको यो सिनेमाले थर्ड डिभिजनमा मास्टर डिग्री पास गरेका एक शैक्षिक बेरोजगारको कथा पेस गर्छ। यही नाममाथि अभिनेता दयाको निर्देशनमा केही वर्ष अगाडि नाटकसमेत प्रदर्शन भइसकेको छ ।
फिल्ममा दया सँगै आँचल शर्मा, विजय बराल, माओत्से गुरुङ, बुद्धि तामाङ, प्रकाश घिमिरे लगायतको अभिनय छ ।
