‘रुमानी रङ्ग’मा धिरज र साम्राज्ञी (फोटो ग्यालरी)
नायिका साम्राज्ञीराज्य लक्ष्मी शाह र नायक धिरज मगरले नयाँ फिल्म ‘रुमानी रङ्ग’मा सहकार्य गर्ने भएका छन् । ‘ईन्टु मिन्टु लण्डन’मा पश्चात् साम्राज्ञी र धिरजले यो फिल्ममा दोश्रो पटक एकसाथ स्क्रिन सेयर गर्न लागेका हुन् ।
बिहिबार ‘रुमानी रङ्ग’ निर्माण कम्पनी ग्लोबल मिडिया एण्ड रिसर्च सेन्टरले प्रेसमिट गर्दै सम्पूणर् कलाकार तथा प्राविधिक बारे औपचारिक रुपमा जानकारी गराएको हो । यो कम्पनीले यस अगाडी लाखे नामक फिल्म निर्माण गरेको थियो । रुमानी निर्माणमा उसले आविष्कार भूषणसंचाररसँग सहकार्य गरेको छ । जिएम ठकुरीको प्रस्तुती रहने फिल्ममा हरिमल्ल ठकुरी कार्यकारी निर्माताको रुपमा रहेका छन् । फिल्मलाई महेश पौडेलले खिच्नेछन् ।
फिल्म ‘रुमानी रङ्ग’ लाई अनिल योञ्जनले निर्देशन गर्दैछन् । अनिलले यस अगाडी ‘डायरी’ फिल्म निर्देशन गरेका थिए । सुन्दर र मनोमोहक मानिएको फिल्म रुमानी लाई रंगिन प्रेम कथा भनिएको छ ।
तस्बिर : उद्धव रसाईली
