आश्माको शिर्ष भूमिकामा ‘स्वस्थानी भर्सेस ग्याङ’आउँदै
चर्चित डान्सिङ समूह ‘द कार्टुन्ज क्रु’ले वेब सिरिज ‘स्वस्थानी भर्सेस ग्याङ’ ल्याउने भएको छ । सिरिजको शीर्ष स्वस्थानीको भूमिकामा क्रुकी विगर्ल आश्मा विश्वकर्मा प्रस्तुत भएकी छन् ।
सिरिजमा आश्मासँगै सरोज अधिकारी, जिवेश गुरुङ, लक्ष्मी गिरी, विजय अधिकारी, अस्मिता खनाल, अभिप्सा खनाल, संयोग गुरागाईं, रोशनी कार्की, सोनिया लामा, निकोलस अर्याल लगायत कलाकार छन् । गायक प्रताप दासको केमियो भूमिका हुनेछ । सिरिजको पाँच पोस्टर समेत सार्वजनिक गरिएको छ ।
यो सिरिजको कथा, पटकथा र निर्देशन सरिन पोखरेलको छ । सरोज अधिकारी र सागर खनाल निर्माता हुन् । कार्यकारी निर्मातामा विजय अधिकारी छन् । प्रोफाइल पिक्चर्सले ‘कार्टुन्ज क्रु’सँगको सहकार्यमा यो सिरिज ल्याउन लागेको हो । पिक्चर्सले यसअघि रुचाइएका ‘हाम्रो हाइस्कुल’, ‘ट्वेन्टीफस्ट लभ’ र ‘यू एण्ड आई’ निर्माण गरेको थियो ।
संकल भुजेलको छायांकन र सागर खनालको सम्पादन रहने छ । एड्भेन्चर, कमेडी, रोमान्टिक ड्रामा जनरामा राखिएको यो सिरिज कार्टुन्ज क्रुको युट्युब च्यानलमा वैशाख १ गतेदेखि स्ट्रिमिङ हुनेछ ।
