रेखा थापालाई पुत्री ‘उपहार’, नाम राखियो वैभवी
अभिनेत्री रेखा थापाले छोरीलाई जन्म दिएकी छन् । अमेरिकाको कोलोराडोको अस्पतालमा उनले आफ्नो पहिलो सन्तानलाई जन्म दिएकी हुन् । छोरीको नाम वैभवी राज्यलक्ष्मी शाही ठकुरी राखिएको छ ।
‘हेर आकाशमा कालो बादल वरिपरि चाँदीको घेरा छ, हेर धर्तीमा तिमी जन्मनुको महान् कारण छ । वैभवी राज्यलक्ष्मी शाही ठकुरी,’ शुक्रबार आफु, श्रीमान र छोरीको तस्बिर राख्दै रेखाले आफ्नो फेसबुक वालमा लेखकी छन् ।
नवजात शिशुको तौल साढे चार किलो रहेको रेखाले बताएकी छन् । रेखा अभिनित तथा निर्मित फिल्म उपहार यही फागुन २५ गतेबाट लाग्दैछ ।
