नव नियुक्त वोर्ड अध्यक्षलाई चलचित्र संघले गर्यो स्वागत
नव नियुक्त विकास वोर्ड अध्यक्ष निकिता पौडेललाई चलचित्र संघले स्वागत गरेको छ । यही सोमबार संघको सभा कक्षमा चलचित्र विकास बोर्डका नव नियुक्त वोर्ड अध्यक्ष पौडेललाई स्वागत तथा बधाई कार्यक्रम राखिएको थियो । कार्यक्रममा संघका अध्यक्ष प्रदीप कुमार उदयले खादा तथा टिका लगाएर बधाई दिए तथा सफल कार्यकालको शुभकामना दिए ।
संघको स्वागत तथा बधाई कार्यक्रममा नवनियुक्त विकास बोर्ड अध्यक्ष पौडेलले आफु सदैव फिल्म क्षेत्रको विकासमा निरन्त लागि पर्ने र आफ्नो दुई वर्षे कार्यकालमा गर्ने सम्पूर्ण कार्य योजना छिट्टै सार्वजनिक गर्ने बताइन् । यस्तै संघका अध्यक्ष उदयले नेपाली फिल्म क्षेत्रको विकासमा लामो समयदेखि आबद्ध परिवारको पहिलो महिला सदस्य निकिता पौडेल जस्तो सक्षम व्यक्ति चलचित्र विकास बोर्डले पाएको हुँदा सबैले गर्वको महसुश गरेको बताए ।
अध्यक्ष उदयले भने, उहाँको विषयमा नकारात्मक टिप्पणी गर्नु भन्दा सम्पूर्ण फिल्मकर्मी एक भई उहाँले गर्ने फिल्म क्षेत्रका हरेक विकास निर्माणको काममा सघाउन अनुरोध गर्दछु ।
