‘अगस्त्य’लाई प्रिमियर र प्रदर्शन दुबैमा प्रशंसा
सौगात मल्ल र नाजिर हुसैन स्टारर फिल्म ‘अगस्त्य : च्याप्टर वन’ यो शुक्रबार, फागुन १८ गते देखि प्रदर्शनमा आएको छ । प्रदर्शनपुर्व फिल्मको बिहिबार प्रिमियर शो आयोजना गरिएको थियो ।
प्रिमियरमा सहभागीले कलाकार काम र फिल्मको सस्पेन्सको प्रशंसा गरेका छन् । अभिनेताद्वाय सौगात मल्ल र नाजिर हुसैनको कम्बो अनि फिल्मको क्लाइमेक्सलाई उनीहरुले रुचाएका हुन् । शुक्रबार फिल्म हेरेको यवा दर्शकले पनि फिल्म मन परेका प्रतिक्रिया दिएका छन् । उनीहरुले च्याप्टर दुई आउनु पर्ने समेत माग गरेका छन् । दर्शक प्रतिक्रिया बुझ्न शुक्रबार नै हलहरुमा सौगात, मलिका र नाजिर पुगिरहेका छन् । फिल्म देशभरका दुई सय भन्दा बढी हलहरुमा प्रदर्शनरत छ ।
फिल्ममा प्रमोद अग्रहरी, मलिका महतको भूमिकाले पनि प्रशंसा पायो । सौरभ चौधरी निर्देशित फिल्ममा तराई भेगमा हुने मानव तस्करीको विषयलाई उठाइएको छ । संजय लामाले खिचेको फिल्मलाई निमेश श्रेष्ठले सम्पादन गरेका हुन् ।
प्रिमियर शोमा दिपाश्री निरौला, प्रदीप भट्टराई, सुशिल श्रेष्ठ, सन्तोष सेन, उपसनासिंह ठकुरी लगायत सहभागी थिए ।
