बिपिन, बर्षा र हरिवंशको ‘महाजात्रा’को ट्रेलर रिलिज
आइतबार प्रेसमिट गर्दै फिल्म ‘महाजात्रा’को ट्रेलर रिलिज भएको छ । प्रदीप भट्टराई निर्देशित फिल्मको प्रोमोमा बेरोजगारीले कालो धनमा फेसेका युवाहरुको कथालाई पेश गरिएको छ । प्रोमो :
प्रोमोमा फिल्मका शीर्ष तीन पात्र फणिन्द्र, मुन्ना र जोयसलाई केन्द्रमा राखिएको छ । यसपटक भ्रष्ट नेताको कालो धन लुकाउने क्रमको लुकामारीलाई कथा बनाएको ट्रेलरले देखाएको छ । उनीहरुले कालोधन लुकाउनेक्रममा सहयोग गर्छन् वा विद्रोह गर्छन् भन्ने प्रश्न पनि ट्रेलरमा देख्न सकिन्छ । अभिनेता हरिवंश आचार्यलाई भने भिलेनको रुपमा प्रस्तुत गरिएको छ ।
फिल्म ‘महाजात्रा’मा विपिन कार्की, रविन्द्रसिंह बानियाँ र रविन्द्र झाको शीर्ष भूमिका छ भने हरिवंश आचार्यले खलपात्रको भूमिका निर्वाह गरेका छन् । साथमा वर्षा राउत, प्रवीण खतिवडा, शिशिर बाङ्देल, दिव्यदेव पन्त, गौमाया गुरुङ, प्रकाश घिमिरे र पुष्कर गुरुङको फिल्ममा अभिनय छ ।
