‘रङ्गेली’मा आर्यनको सरप्राइज, सिक्वेलमा दयासँग लडाईं
प्रदर्शनरत फिल्म ‘रङ्गेली’ मा अभिनेता आर्यन सिग्देल ‘सरप्राइज’ रुपमा प्रस्तुत भएका छन् । अभिनेता सिग्देललाई फिल्मको क्लाइमेक्समा खल पात्रको प्रस्तुत गरिएको छ ।
फिल्ममा आर्यनको ‘इन्ट्री’ पश्चात् रङ्गेलीको दोस्रो भागमा अभिनेता दयाहाङ राई र उनको ‘क्ल्याास’ हुने अवस्था रहेको छ । दोस्रो भागमा आर्यन र दयाहाङ प्रमुख भूमिकामा हुनेछन् । लेखक तथा निर्देशक अर्जुन सुवेदीले दोस्रो भाग सकेसम्म छिटो बनाउने कोसिस गर्ने जनाए । फिल्म ‘रङ्गेली’ को सुरुवाती व्यापार सुखद् देखिएको छ । ‘रङ्गेली’मा दयाहाङ राई र मिरुना मगरको साथमा अर्पण थापा, प्रवीण खतिवडा, रमेश बुढाथोकी, रुपेश झा, सुन्दर धिताल लगायतको प्रमुख भूमिका रहेको छ ।
फिल्मका कार्यकारी निर्माताहरू जीतेन्द्र खतिवडा र अनुज जङ्ग थापा हुन् । निर्माताहरू संसार चौलागाईं र रमेश भट्टराई वशिष्ठ हुन् भने युवक कार्की र शिव शङ्कर चौलागाईँ सह-निर्माता हुन् । विवेक खड्का (योलो) एशोसियट निर्माता हुन् भने छायाँकनसुशन प्रजापतिले गरेका छन् ।
