मेयर बालेन शाहले गरे ‘अगस्त्य’को प्रशंसा
काठमाडौं महानगरपालिकाका मेयर बालेन शाहले फिल्म ‘अगस्त्य’ हेरेका छन् । मेयर शाह आफ्नो टिम सहित गत शनिबार बेलुकी दरबारमार्गमा रहेको क्यूएफएक्स हलमा पुगेका थिए ।
फिल्म हेरेर मेयर बालेनले निर्देशको चोधरीको सोच, कलाकारहरुले गरेको मेहेनत र छायांकन पक्षको प्रशंसा गर्दै राम्रो लागेको प्रतिक्रिया दिएको फिल्म निर्माण पक्षको भनाई छ । डार्क हर्स इन्टरटेनमेन्ट र सेभेन सिज इन्टरटेनमेन्टको प्रस्तुति रहेको फिल्ममा सौगात मल्ल, नाजिर हुसेन, मलिका महत, प्रमोद अग्रहरी लगायत अन्य कलाकारहरुको अभिनय छ ।
फगुनको १८ गतेबाट प्रदर्शनमा आएको एक्सन-थ्रीलर फिल्म ‘अगस्त्य’ प्रति युवा दर्शकको आकर्षण देखिएको छ । सौरभ चौधरीको लेखन तथा निर्देशन रहेको फिल्म दोश्रो सातामा प्रदर्शनरत छ ।
