कस्तो होला ‘सत्रुगते’ (फोटो तथा भिडियो)

हरिवंश र दीपाश्रीसँग गरिएको रमाईलो कुराकानी हेर्नुस् 

मह जोडी र कलाकार किरण केसीको प्रस्तुतीमा निर्माण भैरहेको फिल्म ‘सत्रुगते’ को छायाँकन अन्तिम चरणमा पुगेको छ । यो साता मात्रै फिल्मका सबै कलाकार राखेर लोक लयको गीत खिचिएको छ । जसमा मह जोडीदेखि दिपकराज गिरी, दिपाश्री निरौला, बसुन्धरा भूषाल, शिवहरी पौडेल, प्रियंका कार्की, पल शाह, आँचल शर्मा लगायत कलाकारहरुले नृत्य पस्केका छन् ।

टंक बुढाथोकीको संगीत रहेको गीतले दर्शक तथा श्रोताको मन छुने निर्देशक प्रदीप भट्टराईले आशा राखेका छन् । लोकराज अधिकारीको शब्द रहेको गीतमा टंक र मिना निरौलाको स्वर छ । भिडियोको कोरियोग्राफी कविराज गहतराजले गरेका छन् । जम्बो कलाकारको समुह रहेको ‘सत्रुगते’ कस्तो बनेको होला त ?

निर्माता तथा कलाकार हरिवंश आचार्य भन्छन्, ‘राम्रो बनाउने प्रयास गरेका छौं । फिल्म जे जस्तो बनेपनि हेर्न चाहिं सातै प्रदेशका दर्शकलाई अनुरोध गर्दछौं ।’ ७ वटै प्रदेशका दर्शकलाई हेर्न आग्रह गरिएको फिल्म सत्रुगते कस्तो बनेको होला त ? चैत ९ गतेसम्म प्रतिक्षा गरौं ।