यस्तो छ सौगात, सृष्टि र बिपिनको ‘द रेड सुटकेस’
आगामी ३० चैतमा रिलिज हुने फिल्म ‘द रेड सुटकेस’को फस्ट लुक्स (पोष्टर) सार्वजनिक गरिएको छ । फस्ट लुक्समा अभिनेताद्धय सौगात मल्ल, विपिन कार्की र अभिनेत्री सृष्टी श्रेष्ठलाई प्रस्तुत गरिएको छ ।
अभिनेत्री श्रेष्ठ ग्रामिण महिलाको रुपमा देखिएकी छिन् । यस्तै सौगात मल्ल र विपिन कार्कीपनि कामकाजी युवाको रुपमा छन् । यसमा पहाडी क्षेत्रको राजमार्ग (घुम्तीबाटो) लाई देखाईएको छ । फस्ट लुक्समा कलाकारको चरित्रलाई थार्थरुपमा देखाउन खोजिएको छ । यो फिल्ममा यी तीन कलाकारसँगै प्रविन खतिवडा पनि मुख्य भूमिकामा छन् ।
द रेड सुटकेश गत सेप्टेम्बरमा भेनिस फिल्म फेस्टिबलमा वर्ल्ड प्रिमियर भएको यो फिल्मले फेस्टिभलमा दुई महत्वपूणर् अवार्ड हाँसिल गरेको थियो । यस्तै संसारकै पुरानो मध्ये एक मानिने जर्मनीको म्यानहाइम हाइडेलवर्ग इन्टरनेसनल फिल्म फेस्टिभल, स्विजरल्यान्डको जुरिच फिल्म फेस्टिभल, भारतको मुम्बई फिल्म फेस्टिभल आदि ठाउँमा पनि यो फिल्मछनौट भएको छ ।
श्रीलंकामा प्राविधिक काम गरिएको द रेड सुटकेसमा रामकृष्ण पोखरेल, शोभा थापा निर्माता र श्रीलंकाकै विमुक्ति जयसुन्दरा सह-निर्माताको रुपमा रहेका छन् । सुशन प्रजापतिको छायांकन रहेको यो फिल्मलाई समन अलभितिगाले सम्पादन गरेका छन् ।
अघिल्लो फिल्म ‘ऐना झ्यालको पुलती’ निर्माण गरेका रामकृष्ण पोखरेलले द रेड सुटकेशलाई पनि ऐना झ्यालको पुतली जस्तै मौलिक कथामा तयार गरिएको बताएका छन् ।
