’लन्डन टु पेरिस’ पोस्टरमा साम्राज्ञीसँग रोमान्टिक निश्चल
फिल्म ‘लन्डन टु पेरिस’ जेठ २५ गते रिलिज हुने भएको छ । पोस्टर रिलिज गर्दै निर्माण पक्षले फिल्म रिलिज मिति घोषणा गरेको हो । पोस्टरमा नायिका साम्राज्ञीराज्य लक्ष्मी शाह र नव नायक निश्चल खड्का रोमान्टिक रुपमा प्रस्तुत भएका छन् ।
सार्वजनिक पोस्टरमा साम्राज्ञी र निश्चलले रोमान्टिक मुडमा लिपलक गरेका छन् । फिल्ममा साम्राज्ञी र निश्चल सँगै कविर खड्का, गरिमा शर्मा, रुष्मा थापा, मनिश श्रेष्ठ तथा मनिष गान्धीको प्रमुख अभिनय रहेको छ । एबी इन्टरनेश्नलको प्रस्तुति रहेको फिल्ममा गौतम प्रोडक्शन र अर्चिड भेस फिल्सम् लिमिटेडको निर्माण सहकार्य रहेको छ । फिल्मको कथा, पटकथा र संवाद प्रदीप भारद्धाजले लेखेका हुन् । अमित बस्नेतले निर्माण गरेको फिल्ममा आरोन बस्नेत, एरियाना बस्नेत तथा परी राना निर्माताका रुपमा रहेका छन् ।
फिल्मले ट्राभल लभस्टोरीको कथा पेस गर्छ । फिल्मलाई घनश्याम लामिछानेले निर्देशन गरेका हुन् । सनिश खकुरेल सिनेमाको सह-निर्माता हुन् भने अंकित गौतम यसका कार्यकारी निर्माता हुन् । रोहित कट्टेल र रत्न श्रेष्ठको आरआर फिल्मस्ले फिल्मलाई अल नेपाल वितरण गर्नेछन् ।
