‘कमेडी नाइट्स विथ कपिल शर्मा’को सेटमा पुगे शोभित
फिल्म निर्देशक शोभित बस्नेत निर्देशित फिल्म ‘बद्रीबहादुर’ चैत २३ गते प्रदर्शन हुँदैछ । शोभित फिल्मको प्रचार प्रसारमा उत्रिएका छन् । उनी आफ्नो फिल्म प्रचार होस् भनी ‘कमेडी नाइट्स विथ कपिल शर्मा’को सेटमा समेत पुगेका हुन् ।
‘उहाँले आफू नेपाली फिल्मको प्रवद्र्धनमा सघाउन तयार रहेको वचन दिनुभयो,’ निर्देशक बस्नेत भन्छन् । नेपाली फिल्मको प्रवर्द्धनमा सघाउन भारतीय कमेडियन तथा कलाकार कपिल शर्मालाई आग्रह गरेका छन् । यसमा उनले सकारात्मक जवाफ दिएको बस्नेतले बताए । रवि अधिकारी कार्यकारी निर्माता रहेको यो फिल्म एवी पिक्चर्स फार्म र सलोन सलिना फिल्म्सको ब्यानरमा निर्माण भएको हो । विजय गोपाल दली प्रस्तुतकर्ता र मिथुन भोटे निर्मातामा छन् ।
फिल्ममा जयकिसन बस्नेत, एलिना गुरुङ, छुल्ठिम गुरुङ, राजीवजंग बस्नेत, धीरेन शाक्य र वर्षा चौलागाईंको मुख्य भूमिका छ । विशेष भूमिकामा पूजा शर्मा, सलोन बस्नेत र निर्देशक शोभित बस्नेत स्वयं देखिएका छन् । फिल्मको गत साता गीत रिलिज भएको थियो ।
