प्रदीपसँग पहिलो पटक स्क्रिन सेयर गर्दै बेनिशा
प्रदीप शाहीको निर्देशनमा बन्ने नयाँ फिल्मम अभिनेता प्रदीप खड्का अनुबन्धित भैसकेका छन् । प्रदीप पछि उक्त फिल्ममा अभिनेत्री बेनिषा हमाल पनि मुख्य भूमिकामा अनुबन्धित भएकी छन् ।
अन टाइटल प्रोजेक्टमा प्रदीप र बेनिशा पहिलो पटक एकसाथ प्रस्तुत हुन लागेका हुन् । फिल्मको अन्य कलाकार तथा प्राविधिक फाइनल हुन बाँकी रहेको कार्यकारी निर्माता विनोद सुवेदी खत्री ‘क्षितिज’ ले बताए । गत बर्ष प्रदर्शनमा आएको फिल्म ‘अन्तीम संस्कार’ बाट तारीफ बटुल्न सफल निर्देशक शाहीले फिल्ममा मिथिकल इलेमेन्टहरु पनि रहेको जानकारी दिए ।
निर्देशक प्रदीप शाहीको निर्देशनमा बनेको पहिलो फिल्म ‘गोर्खा : बिनिथ द ब्रेभरी’ ले अमाजोन प्राइममा राम्रो दर्शक पाउन सफल बनेको थियो । फिल्म साइ-फाई जोम्बी थ्रिलर जनरामा निर्माण हुनेछ । फिल्मको कथा निर्देशक शाहीले नै लेखेका हुन् । शाइ प्रोडक्सन नेपालको ब्यानरमा निर्माण हुने फिल्ममा ह्याम्साएर एकाउन्टेनको सहकार्य रहनेछ।
अभिनेता प्रदीप खड्का यतिबेला फिल्म पुजार सार्कीको छायाँकनमा व्यस्त छन् भने अभिनेत्री बेनिशा हमाल अभिनित फिल्म उपहार प्रदर्शनरत छ । पहिलो पटक सँगै काम गर्न लागेका प्रदीप र बेनिशाको पर्दामा जोडी कस्तो देखिएला त ?
