‘महाजात्रा’को भव्य प्रिमियरमा को-को पुगे ? (फोटो एल्बम)
फिल्म ‘महाजात्रा’को मंगलबार भव्य प्रिमियर शो गरियो । जहाँ फिल्म युनिट सहित दर्जन बढी फिल्मकर्मी उपस्थित थिए । प्रदीप भट्टराई निर्देशित फिल्मलाई प्रिमियरमा प्रसंशा मिल्यो ।
‘महाजात्रा’को प्रिमियर शोमा मदनकृष्ण श्रेष्ठ, दयाहाङ राई, दिपाश्री निरौला, जितु नेपाल, निशा अधिकारी, ऋचा शर्मा, केकी अधिकारी, संजोग कोइराला, सुशिल श्रेष्ठ, प्रकाश सपुत लगायत दर्जन बढी कलाकर्मी प्रिमियर शोमा उपस्थित थिए । उनीहरुले फिल्म राम्रो रहेको प्रतिक्रिया दिए ।
फिल्ममा बिपिन कार्की, रविन्द्रसिंह बानियाँ, रविन्द्र झा, बर्षा राउत, हरिवंश आचार्य, दिव्यदेव लगायतको अभिनय छ । उनीहरु सबै प्रिमियर शोका मुख्य आकर्षक बने ।
प्रतिक्षित फिल्म ‘महाजात्रा’ शुक्रबारबाट प्रदर्शनमा आउँदैछ । फिल्मको बुकिङ बुधबार बाटै खुला गरिएको छ । जात्रा र जात्रै जात्रा जस्तै ‘महाजात्रा’ले दर्शकको साथ पाउने अपेक्षा गरिएको छ ।
तस्बिर : उद्धव रसाईली
