‘बोक्सीको घर’को ‘जिन्दगीको कथा…’ सार्वजनिक
अभिनेत्री केकी अधिकारी निर्मित फिल्म ‘बोक्सीको घर’को गीत ‘जिन्दगीको कथा, यता न उता’ सार्वजनिक भएको छ । गीतमा स्वीअरिती र निहारिकाको स्वर छ । मोनिस निरौलाको संगीत र सुलक्षण भारतीको शब्द छ । गीत :
गीतमा अभिनेत्री केकी र कलाकार सुलक्षण भारती फिचर्ड छन् । भारती फिल्म लेखक र निर्देशक समेत हुन् । गीतमा उनीहरुको विवाह र त्यसपछिको अवस्थालाई देखाइएको छ । गीतको भाव अनुसार दृश्य अपुरो छ । निर्माण पक्षले यसलाई ‘सस्पेन्स’ मा राखेको छ । आठ वर्षअघि मञ्चन भएको नाटक ‘बोक्सीको घर’माथि रहेर अभिनेत्री केकीले यो फिल्म निर्माण गरेकी हुन् ।
फिल्ममा केकी सँगै सुपला सापकोटा, श्वेच्छा राउत, सुलक्षण भारती, रमा थपलिया, सुष्मा निरौला, सबिन बाँस्तोला लगायतको अभिनय छ ।
केकी अधिकारी फिल्मस्को प्रस्तुतीमा निर्माण भएको फिल्म नेपालसहित विभिन्न देशमा एकसाथ प्रदर्शनसँगै अन्तर्राष्ट्रिय महोत्सवमा समेत लैजाने योजनामा केकी छिन् ।
