भदौ २१ मा पल र पूजाको ‘रावायण’ रिलिज हुने
सुदर्शन थापाले निर्देशन गर्ने फिल्म ‘रावायण’को प्रदर्शन मिती तय गरिएको छ । फिल्मलाई आउँदो सालको भदौ २१ गते तिजको अवसरमा प्रदर्शन गरिने आइतबार सार्वजनिक गरिएको पोस्टरमा उल्लेख छ ।
फिल्म ‘रावायण’ लाई सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा बन्ने फिल्म सुदर्शन थापा र पुजा शर्मा मिलेर निर्माण गर्न लागेका हुन् । फिल्मका मुख्य कलाकारहरुमा पल शाह, पूजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकालको अभिनय रहनेछ ।
फिल्ममा शिवम अधिकारीको लेखन, सौरभ लामाको छायांकन, विक्रम स्वार र रामजी लामिछानेको कोरियोग्राफ़ी, श्री श्रेष्ठको एक्सन हुनेछ । फिल्मको संगीतको सम्पूणर् काम मुम्बईमा गरिएको छ । निर्देशक थाापका अनुसार फिल्म चैतका तेस्रो साताबाट छायांकनका लागि फ्लोरमा जानेछ ।
