जन्मदिन विशेष : झरना ‘ए मेरो हजुर ५’ निर्देशनमा जुटिन्
निर्देशक झरना थापा नयाँ फिल्म निर्देशनको तयारीमा जुटेकी छन् । फिल्म ‘ए मेरो हजुर ५’ को प्रि प्रोडक्सन भैरहेको झरनाले बताइन् । आफ्नो जन्मदिनमा झरनाले नयाँ फिल्म निर्देशन बारे जानकारी दिएकी हुन् ।
‘हामी अहिले स्क्रिप्टमा छौं । असोजको अन्त्यतिर छायाँकन सुरु गर्ने योजना छ’, झरनाले भनिन् । लभ स्टोरी फिल्ममा कलाकार भने तय भैनसकेको झरनाले बताइन् । ‘कलाकारसँग सम्झौता भएको छैन् । स्क्रिप्ट फाइनल भएपछि कलाकार छनोट गर्छौं’, झरनाले भनिन् । सुहाना इन्टरटेनमेन्टको ब्यानरमा बन्ने ‘ए मेरो हजुर ५’ लाई सुनिल कुमार थापाले निर्माण गर्नेछन् ।
झरना थापाले पछिल्लो समय ‘एक भगवत् एक गीता’ निर्देशन गरेकी थिइन् । जुन फिल्मले सोचे जस्तो व्यापारिक सफलता हाँसिल गर्न सकेन् । ‘ए मेरो हजुर’को श्रृंखला भने व्यापारिक रुपमा सफल छन् ।
