बेइजिङ इन्टरनेशनल फिल्म फेस्टिवलमा ’गाँउ आएको बाटो’ छनौट
१२ औं बेइजिङ इन्टरनेशनल फिल्म फेस्टिवलमा ’गाँउ आएको बाटो’ छनौट भएको छ । यो सँगै ’गाँउ आएको बाटो’ फिल्मको विभिन्न अन्तर्राष्ट्रिय फिल्म महोत्सव पुग्ने क्रमलाई निरञ्तरता दिएको हो ।
नविन सुब्बा निर्देशित फिल्म छिमेकी राष्ट्र चीनको १२ औं बेइजिङ इन्टरनेशनल फिल्म फेस्टिवल’मा छनौट भएको छ । फिल्मको टोरोन्टो इन्टरनेश्नल फिल्म फेस्टिवलमा विश्व प्रिमियर भएको थियो । ‘गाउँ आएको बाटो’मा दयाहाङ राई, पशुपति राई तथा प्रसन राई प्रमुख भूमिकामा रहेका छन् । यो सँगै ‘४७ औं गोटेबर्ग अन्तर्राष्ट्रिय फिल्म महोत्सव-२०२४’ स्वीडेनमा समेत छनौट भएको फिल्मको वुसान अन्तर्राष्ट्रिय सिनेमा महोत्सवमा एशियन प्रिमियर र मामी मुम्बईमा साउथ एशियन प्रिमियर भैसकेको छ ।
फिल्ममा राई जातिको सामाजिक पृष्ठभूमिमा गाँउमा सडक पुगेपछि बाबुछोराको सम्बन्धमा आउने उतारचढावलाई फिल्मले प्रस्तुत गर्नेछ । सामुदायिक लगानीको अवधारणामा निर्माण भएको ‘गाउँ आएको बाटो’मा देशभित्र र विश्वका विभिन्न देशहरूमा छरिएर रहेका नेपालीहरूको सामुहिक लगानी गरेका छन् ।
छोमोलोङमा प्रोडक्सन र गाँउघर फिल्म प्रडक्सनको सहयोगमा मेन्छ्याम पिक्चर्सको ब्यानरमा निर्माण भएको फिल्म आँदो वर्ष जेठ १८ गते रिलिज हुनेछ ।
फिल्ममा केशव राई, सुमित्रा राई, राज थापा र प्रेम सुब्बा लगायतका कलाकारको अभिनय रहेको छ । नेपालमा बाँसुरी फिल्मस्ले नेपाल रिलिजमा संयोजन गरिरहेको छ ।
