अनमोल केसी स्टारर ‘फर्की फर्की’को पोस्टर कस्तो छ ?
फिल्म ‘फर्की फर्की’को फस्टलुक रिलिज गरिएको छ । नायक अनमोल केसीको जन्मदिनको अवसर पारेर आउँदो फिल्मको पहिलो झलक शनिबार सार्वजनिक गरिएको हो । फिल्म आउँदो बर्षको जेठ १० गतेबाट हलमा आउँदैछ ।
फिल्म ‘फर्की फर्की’लाई सुयोग गुरुङले निर्देशन गरेका हुन् । फिल्ममा अनमोल केसीको साथमा नायिका जसिता गुरुङको मुख्य भूमिका छ । साथमा फिल्ममा रवि न्यौपाने, समृद्धि अर्याल, कृष्ण मल्ल, निर्मल शर्मा लगायतका कलाकारको पनि अभिनय छ । फिल्म ‘फर्की फर्की’लाई लिएर नायक अनमोल केसी निकै उत्साहित छन् । यो फिल्मको कथावस्तु आफूले यसअघि काम गरेका फिल्मको भन्दा फरक रहेको भन्दै अनमोलले दर्शकको माया पाउने विश्वास व्यक्त गरेका छन् ।
लभ स्टोरी जनरामा बनेको यो फिल्मलाई ओम प्रकाश अग्रवालसँग मिलेर रोहित अधिकारीले निर्माण गरेका हुन् । फिल्ममा मनोज ओली र रामु न्यौपाने सह-निर्माताको रुपमा छन् ।
सुयोग गुरुङकै कथा तथा पटकथा रहेको यो फिल्ममा रोमन बज्राचार्य र नरेन लिम्बुको संगीत, नरेन्द्र मैनालीको डीओपी, सुरेन्द्र पौडेलको सम्पादन, किरण थापाको कोरियोग्राफी छ ।
