‘पुजार सार्की’बाट पल शाहको पात्र सार्वजनिक
फिल्म ‘पुजार सार्की’ बाट अभिनेता पल शाहको मेघराज खत्री पात्र सार्वजनिक गरिएको छ । निर्देशक दिनेश राउतले पलको नाम ‘मेघराज खत्री’ रहेको जनाउँदै पात्र परिचय दिने फोटो सार्वजनिक गरेका हुन् ।
सार्वजनिक तस्बिरमा नायक शाह काँधमा बन्दुक बोकेर नदी किनारामा हिँडिरहेका छन् । शिरमा भादगाउँले टोपी लगाएका उनले बाहुला नभएको कोट, कमिज र पाइन्ट लगाएका छन् । फोटोले उनी सामाजिक क्रान्तिको लागि हतियार उठाउन बाध्य भएको युवकको परिचय दिएको छ ।
निर्देशक राउतले यो फिल्मलाई जातीय विभेद विरुद्ध समाजका तीन पात्रहरूले गर्ने साझा सङ्घर्षको कथा रहेको बताएका छन् । उनले मेगराजले के कस्तो सङ्घर्ष गर्नुपरेको छ, त्यो थाहा पाउन प्रतीक्षा गर्न दर्शकलाई आग्रह गरेका छन् । राउतले केही दिनमा फिल्मको आधिकारिक रिलिज मिति तोक्ने जनाएका छन् ।
विकास सुवेदीले लेखन रहेको फिल्म लाई सुभाष भुषलालको निर्माण छ । फिल्ममा आर्यन सिग्देल, प्रदीप खड्का र पल शाहको मुख्य भूमिका छ । साथमा अभिनेत्री द्वय अन्जना बराइली र परीक्षा लिम्बुले पनि प्रमुख भूमिका निर्वाह गरेका छन् ।
