नीति शाहको डेव्यु फिल्म ‘खजुरे ब्रो’को पहिलो गीत
नीति शाहको डेव्यु फिल्म ‘खजुरे ब्रो’को पहिलो गीत ’लभ गर्ने मान्छे’ बोलको गीत सार्वजनिक गरिएको छ । गीतमा फिल्मका प्रमुख पात्र ’खजुरे’ बनेका रियर राई र कलाकार महेश त्रिपाठी पनि फिचर्ड छन् । गीत :
सार्वजनिक गीतमा अनमोल गुरुङको शब्द तथा संगीत रहेको छ । यस्तै गीतमा संगीतकार अनमोल र अनुपम गुरुङसँगको संयूक्त स्वर रहेको छ । फिल्मका लेखक-निर्देशक सुरज सुनुवार हुन् । फिल्म वैशाख २८ गते रिलिज हुँदैछ ।
दिव्य दृश्य इन्टरटेन्मेन्टले मान्द्रो प्रोडक्सन तथा मल्टी प्रपोज प्रालिसँगको सहकार्यमा निर्माण भएको फिल्मका निर्माता नविन मानन्धर तथा सुरज सुनुवार हुन् । अनिल मानन्धर र पिकेश मानन्धर यसका सहनिर्माता हुन् भने डायमण्ड उप्रेती कार्यकारी निर्माता रहेका छन् ।
फिल्ममा नीति, रेयर तथा महेशका अलावा नविन मानन्धर, प्रकाश भुजेल, बिनिता थापा मगर, सुष्मा निरौला, पुस्कर कार्की, मनिष राउत, प्रेम सुब्बा, सुजाता राई, शान्तिला तामाङ, पवन लिम्बु, दीप चन्द्र राई (कान्छी) लगायतको अभिनय रहेको छ ।
