‘दान्भी’मा पूजा शर्माको ग्रान्ड ईन्ट्री (६ तस्बिर)

काठमाडौंमा छायांकन भइरहेको फिल्म ‘दान्भी’को सेटबाट नायिका पूजा शर्माका केही तस्विरहरु सार्वजनिक भएका छन् । जहाँ, पूजाको एक्सन अवतार देख्न सकिन्छ ।

वुझिएअनुसार, फिल्ममा पूजाको इन्ट्री दृश्यको छायांकन हाल भइरहेको छ । निर्माण पक्षले यो दृश्यलाई भव्य बनाउनका लागि कुनै पनि कसर बाँकी राखेको छैन । फिल्मको इन्ट्री दृश्यमा गीत र एक्सनलाई मिश्रण गर्ने तयारी गरिएको छ । जसअनुसार, शनिबारदेखि एक्सनको छायांकन भइरहेको हो । केही दिनपछि भने गीतको भाग खिचिने निर्माण पक्षले बताएको छ ।

यो फिल्ममा नायिका पूजा शर्मा, नायकद्वाय कुन्साङ बोमजोम र किरण श्रेष्ठको मुख्य भूमिका छ । रुपेश तामाङ यो फिल्मका निर्देशक हुन् । फिल्ममा नवराज शर्माको मुख्य सहायक निर्देशन छ ।

यो फिल्ममा देव मगर र अनुप गडालको लगानी छ । पवन राना मगर फिल्मका कार्यकारी निर्माता हुन् । फिल्मको प्रदर्शन मिती जेठ १० गतेलाई घोषणा गरिएको छ ।