ओलीको अभिनयसँगै सकियो ‘नमेटिएको घाउ’को छायाँकन
अभिनेता रमित ढुंगानाको डेव्यु निर्देशकिय फिल्म ‘नमेटिएको घाउ’को छायाँकन सकिएको छ । फिल्मको छायाँकन ५६ दिनमा सम्पन्न भएको निर्माता समेत रहेका ढुंगानाले उल्लेख गरेका छन् ।
मेरो निर्माण तथा निर्देशन रहेको सत्य घटनामा आधारित चलचित्र “नमेटिने घाउ“ को छायाङ्कन ५६ दिनपछि इन्ड्क्ल्याप, रमित आफ्नो सामाजिक सञ्जालमा लेख्छन्, सम्माननिय पुर्व प्रधानमन्त्री श्री केपी शर्मा ओली ज्यु को अभिनय संगै सम्पन्न भएको छ ।
फिल्ममा ओलीले ’प्रधानमन्त्री’ को भूमिका निर्वाह गरेका छन् । यो फिल्ममा एकीकृत समाजवादीका अध्यक्ष एवं पूर्व प्रधानमन्त्री माधवकुमार नेपाल, राप्रपा सांसद ज्ञानेन्द्र शाही समेत देखिँदैछन् ।
‘नमेटिने घाउ’ एसिड आक्रमणमा परेकाहरूको कथामा बन्न लागेको फिल्म हो । एसिड सर्भाइभर मुस्कान खातुनले समेत फिल्ममा अभिनय गरेकी छन् ।
शिवम् अधिकारीको लेखन रहेको फिल्ममा अभिनेता रमित ढुंगाना लगायत अन्य कलाकारहरुको समेत अभिनय छ ।
