३ घण्टाको प्रस्तुती दिन नेपाल आउँदै दबंग खान
अन्ततः बलिउड दबंग खान दोश्रो पटक नेपाल आउने पक्का भएको छ । २३ वर्षपछि यही सालको फागुन २५ अर्थात् मार्च ९ तारिखमा सलमान नेपाल आउने भएका हुन् । ओडिसी इन्टरटेनमेन्टको आयोजनामा ‘दबंग द टुर’ का लागी सलमान सलमान सहितको समुह नेपाल आउने भएको हो ।
नायिका सोनाक्षी सिन्हा, डान्स मास्टर प्रभु देवा, डेजी शाह, कृटी सेनोन र पञ्जाबी भांगडा डान्सर ‘मिड बोस’ पनि सलमानसँग नेपाल कार्यक्रममा सहभागी हुनेछन् । मार्च १० मा हुने कार्यक्रमको लागी दिउँसो १२ बजेदेखि नै टुँडिखेलको मुल गेट खुल्ला गरिनेछ । सलमान भने साढे ६ बजे मात्रै स्टेजमा देखा पर्नेछन् । उनी करिब ३ घण्टा स्टेजमा रहेन बताइएको छ । टिकटको मूल्य ३ हजारदेखि १० हजार रुपैयाँसम्म तोकिएको छ । सलमान सहितको टिम मार्च ११ मुम्बई फर्किनेछ ।
