‘मन त परदेशी’ मा परदेश जानेको पिडा
फिल्म ’मन त परदेशी’ ले प्रदर्शन हुंन एक साता मात्रै बाँकी रहंदा पत्रकार भेटघाट गरेको छ । फिल्मको बारेमा निर्माता दुर्गा बहादुर खड्का, नायिका दिपेशराज पाण्डे र नायिका समिता गिरीले जानकारी दिए । फिल्म यही पौष १४ गतेदेखि प्रदर्शनमा आउँदैछ ।
देव नेपाल निर्देशित फिल्म रोजगारीको लागी अरब पुग्ने नेपाली युवाहरुले झेल्दै आएका पिडालाई उठान गरिएको निर्माताले बताए । फिल्ममा विदेशी भूमिमा भोग्ने पिडालाई देखाएका छौ’ निर्माता खड्काले भने, ’फिल्म हेरिरहंदा आफ्नै कथा महसुश हुन्छ ।’ यस्तै फिल्मले संदेश मात्र नभई मनोरंजन पनि दिने दिपेश बताउँछन । ’हामीले कथा मार्फत सचेत त गराउछौ नै साथै मनोरंजन पनि दिन्छौ’ दिपेश थप्छन ’फिल्मको लागि मेहनत गरेका छौ , आश छ दर्शकलाई मन पर्छ ।’
फिल्ममा दिपेशराज पाण्डे, समिता गिरी, विक्रम क्षेत्री, रेनु शर्मा, रमिला आचार्य, किशोर खतिवडा, राम बुढाथोकी, रमेश, जोन्नी लगायतका कलाकारहरुको अभिनय छ । फिल्म मार्फत समिता पनि आश्वादी छिन । ’बाहिर भएको शो मार्फत राम्रो प्रतिक्रिया पाएकी छु’ समिता थप्छिन ’दर्शकले अभिनयले निराश बनाउदैन ।’ पुश्कर सुनुवारले संगीत भरेका छन् । दुर्गा बहादुर खड्का र भुवन शर्मा कंडेलले निर्माण गरेको फिल्मलाई मर्भुमी नारायण र राजेन्द्र कुमार थापाले खिचेका हुन् ।
