‘मनसरा’ को ‘एक तार मनको’ रिलिज
प्रदर्शनरत फिल्म ‘मनसरा’ मा समावेश नयाँ गीत रिलिज गरिएको छ । ‘एक तार मनको’ बोलको गीतमा हर्क साउदको शब्द र सुशान्त गौतमको स्वर तथा संगीत रहेको छ । गीत :
गीतको भिडियोमा फिल्ममा ‘दधिराम पोखरेल’ पात्रमा अभिनय गरेका प्रविण खतिवडा र ‘तान्छो’को भूमिकामा बाल कलाकार नेनाहाङ राईमाथि फिल्ममा देखाइएको छ ।
करिब साढे दुई मिनेट लामो गीतमा सन्तान सुख भोग्नबाट बञ्चित दधिरामलाई ‘तान्छो’सँगको निकटतालाई प्रस्तुत गरिएको छ । गीतले यिनै भावहरुलाई पस्किएको छ । सिनेमामा नेनाहाङ अभिनेत्री मिरुना मगरका छोरा बनेका छन् । हाल प्रदर्शनरत यो फिल्मले दर्शकसँगै समीक्षकहरुबाट समेत तारिफ बटुलिरहेको छ ।
उपेन्द्र सुब्बा निर्देशित फिल्ममा प्रविण, मिरुनाका सँगै मेनुका प्रधान तथा दयाहाङ राईको प्रमुख भूमिका रहेको छ ।
