छवि ओझाले ‘मंगलम २’ बनाउने, दोहोरिएलान् पुष्प र शिल्पा ?
‘मंगलम’को दोस्रो भाग ‘मंगलम २’ निर्माण हुने भएको छ । निर्माताद्वाय छविराज ओझा र दिजेन्द्र शाक्य मिलेर ‘मंगलम २’ बनाउने भएका हुन् । निर्देशन नवल नेपालले गर्ने भएको हो ।
छविराज प्रोडक्सन र गुण सिनेमा प्रालिको व्यानरमा ‘मंगलम २’ निर्माण हुनेछ । नवलले यसअघि यो व्यानरका दुई फिल्म ‘लज्जा’ र ‘मंगलम’ निर्देशन गरेका थिए । फिल्म ‘मंगलम’को गीत ‘पर्ख पर्ख मायालु’ अहिले पनि उत्तिकै लोकप्रिय छ । ‘मंगलम २’का लागि निर्माता ओझाले निर्देशक नेपाललाई आइतबार अनुबन्ध गरेका छन्।
निर्माता ओझाका अनुसार फिल्मका कलाकार तथा प्राविधिक केही समयपछि सार्वजनिक हुनेछन् । २०७४ सालमा निर्माण भएको फिल्म व्यापारिक र समिक्षात्मक रुपमा समेत सफल भएको थियो । ‘मंगलम’मा पुष्प खड्का, शिल्पा पोखरेल, पृथ्वी प्रसाईं, मिथिला शर्मा लगायत कलाकारहरुको अभिनय । के ‘मंगलम २’ मा यी कलाकारहरु दोहोरिएलान् ?
