मलिका महतको ‘सतीदेवी’ साउन ४ गते सोलो रिलिज
नायिका मिलका महतको मुख्य भूमिका रहेको फिल्म ‘सतीदेवी’को प्रदर्शन मिति घोषणा गरिएको छ । सोमबार वितरक कम्पनीसँग कागजी सम्झौतापछि निर्देशक सुवेदीले आगामी साउन ४ गतेलाई सिनेमाको प्रदर्शन मिति घोषणा गरेका हुन्। यो मितीमा ‘सतीदेवी’ सोलो छ ।
फिल्म ‘सतिदेवी’को पहिलो झलक भैसकेको छ । जस्को चर्चा राम्रो छ । सार्वजनिक पोस्टरमा अभिनेत्री मलिका महत जुत्ताको माला र कालो मोसो दलेको अवस्थामा चित्रित थिइन् । फिल्मले विभिन्न महोत्सवहरुमा महत्वपूर्ण विधामा अवार्ड समेत जितिसकेको छ । यसले गर्दा पनि दर्शकलाई फिल्म मन पर्नेमा निर्देशक सुवेदी विश्वस्त छन् ।
फिल्ममा मलिका सँगै रमेश बुढाथोकी, भोलाराज सापकोटा, कुलदीप अधिकारी, सन्दीपबाबु लोहनी, सृजना अधिकारी, मनिषा सापकोटा, सुजिता सिवाकोटी, तुलसी श्रेष्ठ लगायतको अभिनय छ । दिलासा र साराको प्रस्तुति रहेको सिनेमाको निर्माता श्रीदेवी, दिलासा र सारा सुवेदी हुन् । बाबु र छोरीहरुबीचको सम्बन्धको आरोह-अवरोहलाई सिनेमाको कथा बुनिएको छ ।
दिलाशा क्रियसन तथा गोल्डेन स्टेट मुभी मेकर्स एलएलसी क्यालिफोर्नियाको सहकार्यमा निर्माण भएको सिनेमामा निर्देशक सुवेदी स्वयंको लेखन छ भने बाबु श्रेष्ठले छायांकन, दीपक शर्मा र सुवास भुसालको संगीत तथा रामजी लामिछानेको कोरियोग्राफी छ ।
