‘पुजार सार्की’को प्रोमोमा छाए प्रदीप खड्का
जेठ १० गतेबाट रिलिज हुने फिल्म ‘पुजार सार्की’को ट्रेलर रिलिज गरिएको छ । दिनेश राउत निर्देशित फिल्मको ट्रेलरमा तीन स्टार आर्यत सिग्देल, प्रदीप खड्का र पल शाह केन्द्रमा छन् । नायिकाद्वाय अञ्जना बराइली र प्रेक्क्षा लिम्बु क्रमशः आर्यन र प्रदीपको प्रेमिकाको भूमिकामा छन् । ट्रेलर :
विकास सुवेदीको लेखन रहेको फिल्म पुजार सार्कीको कथा मैतबहादुरको वरिपरी घुम्ने प्रोमो अनुसार अनुमान लगाउन सकिन्छ । जस्मा अभिनेता खड्का जिवन्त देखिन्छन् । साथमा आर्यन सिग्देल र पल शाहको पनि पात्र रोचक देखिन्छ । दुई नायिकाहरु आफ्नो भूमिकामा फिट देखिन्छन् ।
ट्रेलरमा जातीय विभेदले समाजका हरेक तह र तप्काका मानिसहरूलाई पारेको व्यक्तिगत, मानसिक र सामाजिक असरलाई उतारिएको छ । ट्रेलरमा अभिनेता पल शाहलाई समाज परिवर्तन गर्न अग्रसर युवाको भूमिकामा प्रस्तुत गरिएको छ । ट्रेलर रिलिज समारोहमा भने शाह उपस्थित थिएनन् । अर्को फिल्मको छायाङ्कनमा रहेका कारण उनी सो कार्यक्रममा उपस्थित नभएका हुन् ।
फिल्मलाई सुवास भुसालले निर्माण गरेका हुन् । फिल्म किङ्गडम नेटवर्कको ब्यानरमा निर्माण भएको हो । ट्रेलर रिलिज सँगै पुजार सार्की थप प्रतिक्षित बनेको छ ।
