साउन १८ मा बर्षा र प्रतापको ‘मोदीबेनी’ रिलिज हुने
फिल्म ‘मोदीबेनी’ को प्रदर्शन मिती तय गरिएको छ । यो फिल्म १८ गते रिलिज हुने घोषणा गरिएको हो । निर्माता दीलिप के.सीले सबैभन्दा उत्तम मिति हेरी टुङ्गो लगाइएको बताए ।
‘मोदीबेनी’ले पर्वत जिल्लाको मोदीबेनी क्षेत्रमा घटेको अविश्वसनीय घटनामा आधारित कथा भन्ने निर्देशक शङ्कर कोइरालाको भनाई छ । यो फिल्ममा प्रताप श्रेष्ठले नायकको रुपमा डेव्यु गरेका छन् । उनको अपोजिटमा अभिनेत्री वर्षा सिवाकोटीको भूमिका छ।
यही फिल्मबाट अभिनेत्री रेजिना उप्रेतीले करिब १२ वर्षपछि कमब्याक गरेकी छन् । निर्देशक कोइरालाले पनि यही फिल्मबाट निर्देशनमा डेब्यु गरेका हुन् । ‘मोदीबेनी’ मा अमर, वर्षा र रेजिना सँगै प्रवीण खतिवडा, सरोज खनाल, दिलीप केसी, कमलमणि नेपाल, जीवन भट्टराई, सरोज अर्याल, अनामिका लामिछाने, स्नेहा भट्टराई, लाबिस लगायतको अभिनय रहेको छ ।
डिनेस्ट इन्टरटेनमेन्टको प्रस्तुतिमा बनेको यो फिल्मलाई आनन्द बिक्रम क्षेत्रीले लेखेका छन् । यसमा दिलीप के.सी. निर्माता र हरि श्रेष्ठ सह-निर्माता रहेका छन् । उत्सव दाहालको डिओपी, भरत रेग्मीको सम्पादन छ ।
