अन्ततः ‘हिरो रिटन्र्स’ रिलिज मिति तय
अन्ततः फिल्म ’हिरो रिटन्र्स’ को अफिसियल रिलिज घोषणा भएको छ । आउँदो ०७५ को बैशाख २८ गतेदेखि फिल्म प्रदर्शनमा आउने निर्माता तथा नायक सविन श्रेष्ठले घोषणा गरेका छन् । एक्सन प्रधान फिल्ममा सविन, रेखा थापा र दिल श्रेष्ठको मुख्य भूमिका रहेको छ ।
चन्द्र गौतम कार्यकारी निर्माता रहेको ‘हिरो रिटन्र्स’ लाई आशिष भेटुवालले निर्देशन गरेका हुन् । शिवम अधिकारीको कथा रहेको फिल्ममा मदन काश्यप घिमिरेको छायाँकन छ । दिपक शर्मा र टंक बुढाथोकीको संगीत समावेश फिल्ममा कविराज गहतराजको कोरियोग्राफी, चन्द्र पन्तको एक्सन र मित्र गुरुङको सम्पादन रहनेछ ।
सविन फिल्मस् को ब्यानरमा बनेको फिल्म ’हिरो रिटर्न्स’मा भिम न्यौपाने, अमित श्रेष्ठ, ध्रुब न्यौपाने निर्मातामा छन् । फिल्मलाई काठमाडौं उपत्यकामा गोविन्द शाहीले वितरणको जिम्मा लिएका छन् ।
