केकीले काटिन् प्रि स्कूलको रिवन

‘राज्जा रानी’ रिलिजको संघारमा रहेकी नायिका केकी अधिकारीले साना बालबालिको हेरचाह राम्रोसँग गर्नुपर्ने बताएकी छिन् । र बालबालिको हेरचाह र शिक्षा प्रि स्कूलले पुरा गर्ने विश्वास लिएकी छन् । शनिबार काठमाडौंको विशालनगर मार्गमा स्थापना भएको स्यानफोर्र्ट प्रि–स्कुलको उद्घघाटन गर्दै केकीले यस्तो बताएकी हुन् ।

गत साताबाट मात्रै सञ्चालनमा आएको उक्त प्रि स्कूलको केकी र प्रहरी अनुसन्धान ब्युरो (सिआइबि) प्रमुख डिआइजि पुस्कर कार्की र सैनफोर्ट स्कुल समुहका प्रबन्ध निर्देशक एस के राठौरले केकीसंग संयुक्त रुपमा गरेका हुन् । प्रि–स्कुल उद्घघाटन कार्यक्रममा स्यानफोर्ट स्कुल समुहका प्रबन्ध निर्देशक राठौंरले यस स्कुलमार्फत वेलायती अवधारणा अनुसार शिक्षा दिने बनाउनुभयो ।

भारतको उत्कृष्टप्रि–स्कुलको ब्राण्ड बनाउन सफल स्यानफोर्ट वालवालिकाको समग्र विकासका लागि ठुलो योगदान पुर्याउदै आएको छ । नेपालमा पनि सोही स्तरको शिक्षा दिनका लागि यो स्यानफोर्ट प्रि–स्कुल स्थापना गरिएको हो । यस स्कुलले प्रारम्भीक वर्षमा सिकाइमा आउने ‘ग्याप’ लाई पुरा गरेको छ । स्यानफोर्ट स्कुल समुहअन्तर्गत भारत, बंगलादेश र नेपाल सहितका मुलुकमा १५० भन्दा बढी स्कुलहरुको नेटवर्क रहेको छ ।

यसले ४० भन्दा बढी राष्ट्रिय तथा अन्तराष्ट्रिय अवार्ड हात पारिसकेको छ । कार्यक्रममा स्यानफोर्ट फ्रेन्चाइज निर्देशकहरु विनोद श्रेष्ठ र सागर प्रजापतिले यस स्कुलमार्फत गुणस्तरीय र स्यानफोर्ट निर्देशगरे अनुसारको शिक्षादिने प्रतिवद्धता ब्यक्त गर्नुभयो । यस स्कुलबाट पढेका विद्यार्थीहरु अन्तराष्ट्रिय बजारमा प्रतिस्पर्धा गर्न योग्य हुने उहाँहरुको दाबि छ ।