निचुले कान्छाले ‘हरियो ढुंगा’ भेटेपछि (फोटो फिचर)
बत्तीसपुतीस्थित शिल्पी थिएटरमा यतिबेला नाटक ‘हरियो ढुंगा’ मञ्चन भैरहेको छ । सुनिल पोखरेल निर्देशित यो नाटक पुष २२ गतेसम्म मञ्चन हुनेछ । भुटानबाट लखेटिएका नेपाली मूलका भुटानीले भोग्नु परेको पीडा र कष्टलाई देखाएको ‘हरियो ढुंगा’ ले हँसाउँछ अनि रुवाउँछ ।
निचुले कान्छा अर्थात् अभिनेता विपिन कार्कीले बगरमा ढुंगा खोज्ने क्रममा ‘हरियो ढुंगा’ भेटेपछि उत्पन्न परिस्थिति साँच्चै सोचनिय छ । मंसिर २९ गतेदेखि मञ्चन हुने नाटकले दर्शकको मन जितिरहेको कलाकार तथा मञ्च व्यवस्थापक आभाष अधिकारीले जानकारी दिए । ‘शनिबार त दुई शो नै फुल हुन्छ’, आभाषले भने, ‘दर्शक सिट संख्या (एक सय पैतालिस) भन्दा बढी आउनु हुन्छ ।’
उपेन्द्र सुब्बाको कथा रहेको ‘हरियो ढुंगा’ मा बिपिन कार्की, सुनिशा बजगाँई, आभास अधिकारी, अनिल सुब्बा, मौसम खड्का, राज न्यौपाने, अर्जुन सिवाकोटी, दिपेन्द्र शाही, सुरज तमु, कुसुम गुरुङ, सुमित तामाङ, प्रभात वाँस्कोटा, अर्जुन थापा, कृतिका भट्टराई लगायत कलाकारहरुको अभिनय छ । हेरौं ‘हरियो ढुंगा’ मञ्चनका केही तस्बिरहरु :
तस्बिर : विजय ताम्राकार
