ट्रेन्डिङमा ‘वर एण्ड बधु’को गीत ‘तिमी सँग’
भदौको १४ गतेबाट फिल्म ‘वर एण्ड बधु’ प्रदर्शन हुँदैछ । यो फिल्ममा समावेश ‘तिमी सँग’ केही दिन अगाडि सार्वजनिक गरिएको थियो । अर्जुन पोखरेलद्वारा संगीतवद्ध गीत यतिबेला युटुव ट्रेन्डिङमा छ ।
सार्वजनिक भएको ४ दिनमा यो गीतले करिब ७ लाख भ्यूज पाउन सफल भएको हो । गीतमा गायिका अन्जु पन्त र गायक प्रताप दासको स्वर छ । शब्द लेखु सहयात्रीले लेखेका हुन् । सार्वजनिक गीतलाई दर्शकले सकारात्मक प्रतिक्रिया दिएका छन् । अधिकांश दर्शकले गीत निकै मिठो रहेको प्रतिक्रिया दिएका छन् । यस्तै, नायिका आँचल शर्मा र नव-नायक विवेक कर्माचार्यको पनि दर्शकले तारिफ गरेका छन् ।
फिल्म ‘वर एण्ड बधु’ हेर्न उत्साहित भएको पनि दर्शकको प्रतिक्रिया छ । फिल्मका निर्देशक मिलन चाम्स पनि आफूलाई यस्तो खालका फिल्म बनाउन मन पर्ने बताउँछन् । आफूले ‘लिलिबिली’पछि अर्को रोमान्टिक कमेडी फिल्म बनाएको उनको भनाई छ ।
