सुटिङ पुर्व प्रकाश सपुत ‘वसन्त’को झलक सार्वजनिक

प्रकास सपुतको डेव्यु निर्देशकिय फिल्म ‘वसन्त’को पहिलो झलक सार्वजनिक गरिएको छ । हरितालिका तीजको अवसर पारेर शुक्रबार फिल्मका मुख्य पात्रहरु सहितको पोस्टर सार्वजनिक गरिएको हो ।

फिल्मको सार्वजनिक पोस्टरमा बसन्तका मुख्य पाँच पात्रहरुको चरित्र चित्रण गरिएको छ । उनीहरुको क्यारेक्टरमा कलाकारहरुलाई प्रस्तुत गरिएको छ । विद्यार्थीको पोशाक पहिरिएका पात्रहरु कापी-कलम च्याप्दै विद्यालयतिर दौडिइरहेका छन् । सार्वजनिक पोस्टरमा कलाकार र उनीहरुले निर्वाह गर्ने चरित्रबारेमा पनि उल्लेख गरिएको छ । जसमा स्वस्तिमा खड्काको पात्रको नाम शान्ति शर्मा, प्रभात पाल ठकुरीको प्रेम आर क्षेत्री, खड्ग बहादुर पुन (खबपु)को सत्यबहादुर मगर, प्रकाश सपुतको वसन्त विक र शिवांसी श्रीको सपना विक नाम राखिएको छ ।

गलबन्दी प्रोडक्सनको प्रस्तुति रहने फिल्म बसन्तमा सुनिल विकको मुख्य सहायक निर्देशन रहेनछ । फिल्ममा प्रकाश घिमिरे, अनुप बराल र कमलमणि नेपाल पनि अभिनय रहनेछ । फिल्मको कथा लेखन र संगीतको काम प्रकास स्वयंमले गरेका हुन् । फिल्मको कार्यकारी निर्मातामा मोहन विश्वकर्मा, अनुरोध भट्टराई र नाना थकाली छन् ।

फिल्मको छायांकन शनिबार बागलुङको धम्जादेखि सुरु हुँदैछ । त्यसअघि बागलुङकै कालिका मन्दिरमा फिल्मको शुभसाइत पूजा समेत गरिनेछ । छायांकनका लागि फिल्म युनिट शुक्रबार बागलुङतर्फ जाँदैछन् । फिल्म बसन्त चैते दशैंको अवसर पारेर आगामी चैत २२ गते प्रदर्शनमा आउनेछ ।